مع مرور العمر ... مع كل إحساس بالوحدة والإحتياج
إحتياج لحاجات عمرها ما أتحست ،عمرها ما أتعرفت
إحتياج لحد يكون سندك ..يكون جنبك
حد ينسيك مرارة الأيام اللي راحت
حد مجرد وجودة يحلي اللي جاي
فجأة ... فجأة تكتشف أن ده مش أسوء حاجة بتحسها
فجأة تاخد بالك إن في حاجة مهمة نقصاك شعورها مميت أكتر من كل حاجه حستها قبل كدة
فجاة بيظهر نوع جديد من الإحتياج
إحساس مؤلم وموجع بتحسه
بتكتشف إنك محتاج لحد يكون محتاج لك
بتكتشف إن كان ممكن تعيش رغم كل ألامك حتي لو كانت عيشة من غير حياة
بس إللي مش ممكن تعيش بيه إحساسك إن محدش محتاج لك
معندكش حد يعوزك
تلاقي نفسك بتتمني الموت كل لحظة
بتفضل تسأل نفسك أسألة مش بتلاقي لها أجابة
أسألة بتموتك كل مرة بتيجي في بالك
مين عايزك؟
مين محتاج لوجودك؟
مين ممكن يوقلك خليك جنبي؟
أهم سؤال بيحسسك إن خلاص ..حياتك مالهاش أي لازمة
سؤال بيخليك مش عايش تعيش
لمين هعيش؟
No comments:
Post a Comment