كن فيكون

مش كل راجل يقدر يحسس الست بأنوثتها ، ويحيي جواها حاجات هي متعرفهاش
مش أي راجل يعرف يخلق ويقول لحاجات جواها كن فيكون ...مش أي حد
مش أعتماد علي خبرة راجل ، ولا علي قوة تأثيره
مش مسألة جاذبية ولا حلاوة كلام...العبرة بأحساسه هو ، بشعور يبقي نابع من جواه
الست مهما كانت محتاجه لأحساس وكلام مختلف ،مهما كانت وحيدة ومهما سمعت من كلام حلو عمره م هيخلق جواها مشاعر إلا لو حست معاه بأفعال تخطفها
كل ست مهما كبرت محتاجة لخالق يخلق  ويكوّن مشاعرها
كل ست بتعيش مستنيه إللي يقول لرغبتها ومشاعرها كن...فتكون

معلش

معلش

كلمة بتتقال في أوقات كتير كرد علي فضفضة  أو كمواساة لحد حزين 

في كتير بيرفضوا وبيكرهوا الكلمة دي وممكن يكون لهم رد فعل عنيف لما يسمعوها

في بيكون عايز رد فعل مادي ينهي اللي بيمر بيه مش مجرد كلمة

بس بالرغم من كره البعض للكلمة

بالرغم من إنها كلمة بسيطة أوي ألا أنها ممكن تكون بكل حاجة 

كلمة عدد حروفها قليل بس بتقول كل حاجة

ممكن تتقال في وقت بتكون فيه وصلت لمرحلة خلاص كل الدنيا ضاقت في وشك

ممكن تكون محتاج كل حاجة وعارف أن ماينفعش خلاص تاخد اي حاجة بس الكلمة دي تحسسك بالراحة 

معلش

معلش ممكن تكون عكاز تتسند عليه وانت مش قادر تخطي خطوة خلاص لوحدك

ممكن تكون إيد أتمدلك تمسك إيدك وتمشي معاك طريق  خايف تمشيه لوحدك

إيد مش هتعمل ولا هتحل حاجة بس هتمسكك وتكون معاك

معلش

معلش ممكن تكون حباية المسكن لشخص مريض وبيتألم من مرض مالوش علاج  بس معلش دي هي اللي هتخليه يتحمل الألم

معلش 

معلش ممكن تكون شخص ربنا بعتهولك وسط تعب الدنيا يخليه جنبك...وجوده بس يحسسك أنك مش لوحدك في الدنيا

شخص جالك في ضلمة العالم  ووحدتك علشان ماتخافش 

كلمة ممكن لو تسمعها تعرف تتنفس أن حد حاسس بألمك ومافيش في أيده يقدمهولك غير الكلمة دي اللي بتحس كل احساسه بيك فيها

معلش

كلمة فيها حضن...فيها طبطبة 

 فيها أمان ...سلام

كلمة بكل حاجة

معلش

بتاخدي أيه ؟!

بتاخدي أيه ؟
بتاخدي ايه ... رغم حبك .. حب عمركِ إللي حسيتي لقيتيه معاه وفيه
بتاخدي ايه؟
عايشة حالة لوحدك فيها .. تحبي..تحلمي..تنتظري ،عايشة حكاية خيالك بس إللي واهمك إنه فيها
متخيلاه إنه معاكي ... وهو له عالم تاني عايش فيه
بتاخدي أيه؟
عايشة بتدوري بين كلامه .. بين حروفه علي حاجة حلوة ، لفظ يتقال تبني ألف وهم عليه
بتاخدي أيه؟
من عشق جواكِ لوحدك ...عايشة ولا علي راحتك ، خايفة كلمة تطلع منك في حوار عادي تفقدك وجوده ...في علاقة أساسها الراحة في أي فعل بيصدر ليه
بتاخدي أيه؟
من دموع محبوسة بتخافي تنزل منك كل ما جرحك فيحس إنك رافضة معاملة رغم وجعها بتخافي تقولي  عاملتني بيها ليه
بتاخدي أيه؟
عايشة عذاب بحث متواصل ...ضوافرك أتكسرت مالحفر في تدويرك عنده علي نقطة مية تروي ظمأ وعطشك بيه
إيدك ألتهبت من جذب وشد وهو بيبعد وهو ولا همه تمسكك بيه
بتاخدي أيه سؤال عمرك ماخيالك صورلك من يوم ماعرفتيه يجي يوم تسألي نفسك بيه
بس لو جه السؤال في بالك اعرفي إنك خلاص تعبتي .. خلاص سلمتي
لازم تسيبي الحبل... إيدك خلاص مش حمل تتمسك بيه
ماهو خلاص ...هتاخدي أيه؟

البداية

البداية بتبقي دايماً جميلة
أجمل حاجة في كل حاجة هي البداية
بداية معرفتك بشخص بتكون أجمل لحظات مرت بيك معاه
حب البدايات مش بيجي من فراغ...حب البدايات بيتحس بعد فقدان الإحساس بجمال اللحظات الأولي في حياتك مع الشخص إللي حبيت البداية معاه
الحنين للبداية بيزيد كل لما  بتحس بجفا او قسوة أو بُعد
بتحس إنك مفتقد أوي الأحساس بالأيام الأولي ، وأول كلام  بينكوا
شدة إرتباط أي أتنين ببعض ممكن تخليهم يحاولوا يعيدوا البداية سوا.. بس لازم تكون دي رغبتهم  هما الأتنين.. غير كده ممكن يبقي حب البدايات المقصود بيه  حب بدايات مختلفة...متكررة مع أشخاص تانين
فرق كبير بين إللي بيحب حد فيتمني يعيد ويعيش كل لحظة حلوة معاه خاصة البداية... وبين إللي بيحب البدايات عموماً وبيحب يعيشها مع أشخاص مختلفة حتي لو كان في كل مرة كلامه وأحساسه بيكون واحد
لازم تعرف إنت اي نوع فيهم وتعرف الطرف التاني حابب يعيد البداية معاك ولا بيحب البدايات الجديدة مع حد جديد
كل يوم مع إللي بتحبه ممكن يكون بداية تعيش فاكرها وتستمتع بيها كل مرة بتعيد أحساس لحظاتها...بشرط تساوي الرغبة في اعادة البداية بين الطرفين وإلا ساعتها هتكون دي بداية النهاية
أي بداية جميلة لايمكن يتقال عليها جميلة لو كان ليها نهاية
فالبداية بتكون جميلة ...وبتفضل جميلة لو مكانلهاش نهاية
كل قصة حب حلوة بين أتنين بتبقي بداية مالهاش نهاية
 بداية الحب أجمل بداية مالهاش نهاية
الحب بداية

الحب راحة

الحب راحة
مش مطلوب منك بذل أي مجهود أو تحس إنك في حرب علشان تخلي حد يحبك...هو يحبك كده زي ما أنت ، وإن الطرف التاني يحس معاك بنفس الشئ ...ويحسك حاسس بالراحة دي
الحب راحة
إنك تعيش مرتاح وإنت حاسس بالأكتفاء، وإنك عمرك ماهتكون في مقارنة مع حد، وإن الطرف التاني نفس الشئ مكتفي بيك ومرتاح
أي شعور غير إنك تكون مرتاح ،متطمن ..حاسس بالأمان مع حد يبقي إللي أنت فيه أسمه عذاب..مش حب
أول لما تحس بالراحة إتأكد وقتها إن ده الحب... وليس العكس
الحب لازم يكون متبادل علشان الأحاسيس تكون متساوية ...متبادلة
علشان وقتها فعلاً تحس بالراحة فتحس بالحب
فالحب ... راحة

عندك حد ؟

عندك حد؟
عندك حد لقاك ولقيته ، بيكمل روحك ...بتلاقي نفسك معاه بتحس إن نقصك كامل بيه؟
عندك حد شافك بالدنيا ..خدك مالدنيا ... خطفك وأنت في مكانك من وسط آلامك
 وبقيت مش حاسس غير بيه؟
عندك حد نساك مين أنت ...قالهالك " خلاص بقينا انا وأنت" أنسي الماضي ،أنسي سنين حرمان
مسحهم من تفكيرك وهو بيمسح دمع عيونك بأيديه... وهو بيرفع كسرة راسك ليه؟
عندك حد يبدأ يومك برسالة منه تصحي عليها فيها يقولك أنت حلمي إللي طول الليل شوفتك فيه ؟
عندك حد بتجري عليه وقت ماتفرح، وقت ماتحزن..فرحك يكمل ...حزنك ينقص وهو معاك فيه؟
عندك حد يكون لك بيت ، يكون لك حضن ... يقولك انا جنبك
يقولك  أنا حصن تعالي بكل خوفك اتحامي فيه؟
لو عندك حد ...لو عندك إللي بيعيش لك يومه ...كل همومه دمع عيونك أزاي يمنعها
ازاي مايشوفش غير فرحة عينك وتكون بيه
لو عندك حد سيب الدنيا عيش وأطمن خلاص الراحة هو مكانها ...هو أمانك
هتعوز أيه تاني مالدنيا ماخلاص هديت روحك في حضن إيديه
...ماخلاص وأخيراً
عندك حد

رعشة حياة

كيف لأحد أن يشتاق لأحساس لم يعرفه بعد؟
كيف له أن يشعر بأشياء ويحن لها دون أن يجربها ؟
أشتياق للحظات يقضيها بين أذرع من يبادله نفس شعوره ورغباته
لحظات بين أياديٍ تشتاق للمس جسد يشعر بالعطش بل بالجفاف ويريد الإرتواء
لحظات تُنسي عمر إنقضي وسط تنهدات من أوجاع وحرمان
إشتياق لأياديٍ تلمس كل مكان في جسم مُنهك من الحرمان
أياديٍ تُشعر ان لصاحبها ألف يد تلامس كل مكان في جسدها
أيادي تلمس وتحتوي بأصابعها نهد أعطي الحياة  كأم ولم يذق هو طعم الحياة مرة
نهد تنتابه قشعرة تجعله يستديركطاؤوس يستعرض جماله رغبةً في ممارسة الحب مع محبوبه
أيادي تمسح بحنان وبقسوة جسد فتسري به حرارة تذيب الألام التي ترسبت عليه من السنين
أيادي تقبض علي يد عاشت وحيدة ...تتشابك أصابعهم معاً بقوة تتناسب مع نشوة متبادلة بينهما
أيادي تتحسس جسد مستسلم تاركأ لتلك الأصابع أن تلهو به كعازف ماهر يداعب ألته
أشتياق  لتنهدات وآهاتٍ عند الشعور به ينزلق وينساب بداخلها بقوة... ببطئ ... بروعة
تنهدات وصرخات لذة تتبعها رعشة تثبت لها أنها أنثي
رعشة جسد عاش ميتاً... فترجعه للحياة مرة أخري
 أشتياق لمتعة
أشتياق لرعشة
رعشة حب
رعشة حياة